ياعراق

ياعراق


شوكت تصفه للوكت تلتفت

يوميه العدو يتمنى الك موته و مامتت

انا ادريك ماتهوى الفراك

يالكلك وفه وحنية يالتاريخك عراك

بحر الجود منك و ماضيك كريم

انته للحاضر وفه وتجوع وتشبع اليتيم

ياعراق شكثر شعبك شاف ظيم

وابد ماتمطر سماك ملبدة بغيم

ليلك مجلجل على المدن

كافي دمع ياعين موجف الجفن

انته ماتقبل تعيش بلا كرامه ياوطن

هذا ذنبك حاسبوك

ذبحوا رجالك يتموك

تبره من جرحك على حيلك تكوم

تنجلي غيومج بلادي وتنجلي وياهه الهموم

باجرتعثر جميع التاجر بدمك

وتنصف ايتام وثكالى وتمطر وينزاح همك

والله شعبك ابد موهين عليه الي يصير

باجر بصوت الوطن كله ينادي

لبيك ياصوت الفقير

ننتفظ كلنا ونهوس ترجع ايام الفاله والمكوار

احنه شعب الضيم مانام وغمض جفنه ولبس ثوبه العار

احنه شعب الملحمه وبعد السكوت انصير نار

نصبر هوايه صبرنا لشوكت يايوم جا نطلب الثار

شنهي ذنب الارامل والايتام وثكالى

ياعدو ويلك من اولاد البسالى

لاتصدك ننسى دمك ياشهيد

احنه ولد احسين ابدا فلا نصبح عبيد

احنا حررنا الصدر مرجعنا الشهيد

اعلى خط احسين نمشي

وابد عن خطه فلا يوم نحيد

عبد الستار الموسوي